weLCOME tO FROM CuTe G!RLS & BOYS

زائر

 
الرئيسيةالرئيسية  اعلانات المنتدىاعلانات المنتدى  مكتبة الصورمكتبة الصور  التسجيلالتسجيل  دخول  

شاطر | 
 

 مواصفاات البنت المصريهــ

اذهب الى الأسفل 
كاتب الموضوعرسالة
~ LaDy ReMa7 ~
..:.. AdM!N ..:..
..:.. AdM!N ..:..
avatar

انثى
عدد الرسائل : 1361
العمر : 26
الموقع : EGYPT
العمل/الترفيه : النـــــــــــــــتــ ..!!..
المزاج : >>>؟؟؟؟<<< تماااااااااااااام <<<<؟؟؟>>>>
\"*نبذه عني*\" : قسما بالذي انزل الثلج من فوق الهضاب سأبقى أحبك يا تامر حتي لبس الابيض تحت التراب
دولتي :
مزاجي :
MMS :
اوسمتي :
  :
السٌّمعَة : 0
تاريخ التسجيل : 27/06/2008

مُساهمةموضوع: مواصفاات البنت المصريهــ   الأربعاء نوفمبر 05, 2008 7:47 am






الصفة الأولى : اللسان

مرة كنت في مصطفي كامل عمارات الظباط رايح لعيادة واحد دكتور.. وكنت تايه لأني مش دايس فيها قوي.. أعمل إيه في الحالة دي؟




رحت راكن على جنب وسائل أي شخص معدي في الشارع.. تصرف بديهي جدا مفيهوش أي حاجه يعني .. لكن لسوء حظي العاثر يشاء القدر إن الشخص ده يكون واحدة بنت..!


بمنتهى التهذيب والوقار سألتها:


" لو سمحتي عيادة الدكتور هشام الللللللل و (لسه حا كمل باقي الجملة ) "


و بمنتهى الرقي والتهذيب راحت بصّالي.. وراحت مسمعاني باقة منتقاه -من أروع ما أنتجته قريحة الصيع- من الشتايم!!


أعجبت طبعا بسرعة الأداء ومهارة الإلقاء (الحق يقال يعني!) لكن على إيه ده كله؟؟


كانت فاكراني بعاكس سيادتها يا جدعان .. تخيلوا المهزلة الإنسانية؟ ( هوا صحيح انه انا غلطان علشان كنت المفروض استني راجل او اي شاب معدي بس تعمل ايه بقي )


و سابتني مذهول وراحت ماشية!!


-------------------------------------------------

الصفة التانية: التناكة..


البنت المصرية العادية تعتبر اي ولد يحاول التكلم معها، تعتبره مجرما أثيما يحاول التقرب إليها لسبب خبيث حقير شرير ألا وهو التعرف عليها.. إلى أن يثبت العكس!!


لا حول ولا قوة إلا بالله!!


يعنى لو شاء القدر في الكلية عندك (خصوصا طب وهندسة) واضطرتك الظروف إنك تكلم واحدة مش من شلتك أو بينكم صديقة مشتركة, فلا بد أن تكون لك ما يكفي من المبررات والأسباب الكافية جدا, كي تقنع سيادتها إنك لست ذئبا بشريا،و انك لا تسأل عن موعد المحاضرة كمقدمة لسبب آخر لا داع لذكره،عشان العيال الصغيرة اللي بتقرا الموضوع معانا!!


هل لديك زميلة في كليتك من جنسية أخرى؟ لا حظت بتتكلم معاك عادي إزاي كإنك بني آدم خلقه ربنا؟ عادي يعني .. انما لما تيجي تتعرف على بنت مصرية لازم تتكتك وتخطط وترسم الخطط والاستراتيجيات وكإنك داخل على موقعة حربية.. فيه إيه يا عم؟؟ على إيه ده كله يا إكسلانس؟


-------------------------------------------------

الصفة الثالثة: الشياكة

البنت المصرية (بحق ربنا) تتزين وتهتم بمظهرها بشكل لابأس به إطلاقا (روح سيتي ستارز، مش باتكلم على معهد الصنايع اللي جنب بيتكم يا خفيف!) ..


المشكلة هنا هي نظرة البنت نفسها للمسائل دي ..


البنت دي في الأغلب والأعم بتعمل الشويتين دول لتجذب الشاب الغلبان إللي هايتدبس يا عيني.. وبعد الجواز بقى انت عارف اللي فيها!!


اسمع القصة دي: يقال أن زوجة كانت كل ما تصحا من النوم تلاقي نفسها غرقانة مية.. فعملت نفسها نايمة في يوم،عشان تعرف المية دي جاية منين.. لقت جوزها جه نام جنبها وفتح التليفزيون .. وكل شوية يقول في حسرة: "هي دي النسوان ولا بلاش.. مش انتي؟ تفووو!"


على الرغم من كده فيه بعض الخبراء في هذا الموضوع بيأكدوا إن الجيل الصاعد بتاع اليومين دول، فيه أمل كبير قوي وممكن يغير الحته دي.. مين عارف .. مفيش حاجة قليلة على ربنا!


-------------------------------------------------


الصفة الرابعة: احتقار الراجل!!

فيه راجل رحالة قديم جه على مصر في العصور السحيقة ..لاحظ سلوك الستات في مصر وكتب عنه.. بيقول الراجل ده في مذكراته فيما معناه:

"...... وحين جئت أرض مصر، وجدت فيها أمرا عجيبا مستغربا, ألا وهو تسلط نسائها على رجالها..!! عجبت لهذا الأمر عجبا عظيما، وانتويت سؤال أولى العلم في هذه المسألة الغريبة.. فجائني رجل بالسبب:


حين خرج فرعون لملاقاة موسى، خرج ومعه كبار القوم وسادتهم، وتركوا النساء والعبيد.. فلما حدث ما حدث وهلك فرعون ومن معه ..اتخذت النساء عبيدهن أزواجا!.. ومن هنا جاء تسلط نساء مصر على رجالها حتى اليوم, فهم يعاملونهم كالعبيد......"

شايف القصة المهببه دي؟ اهو الراجل مش من هنا وقالها بنفسه.. بتعملوا فينا كده ليه يا نساء مصر اتقوا الله فينا مش كده.. دا حتى عشان سمعة الوطن في الخارج.. يرضيكم اللي بيتكتب ده يعني؟؟

نعمل إيه طيب؟؟

بعد ما شفنا البنات بيتعاملوا معانا ازاي يا شباب.. لازم نعد العدة ونتعامل معاهم بنفس الأسلوب.. خد الحلول دي وظبط نفسك:


الحل الأول: المساواة ..في الظلم عدل!!



زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده؟؟


لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل وشوف إيه اللي هايحصل.. هاتلاقي شاب كده هلهولة عامل جنتل مان راح قايم ومقعدها مكانه .. وغالبا البنت هاتنزل آخر الخط ومش هاتقوم، عشان تخليه واقف أطول فترة ممكنة!


النصيحة التي أتحمل مسئوليتها الكاملة هي: لو لقيت بنت حلوة عايشة الدور, داخله المواصلة اللي انت راكبها إياك تقوم وتقعدها مكانك.. أولا: صحتها أحسن من صحتك ميت مرة (بطل السجاير والحشيش بقى عيب انت كبرت!) وثانيا: هي مش من بقيت أهلك (لو اختك أو خطيبتك اللي داخلة ماتستهبلش يعني!), وثالثا: لو عامل كده عشان تبين لها انك واد جنتل يعني وحنين، فاعرف إنها مش هاتخليك تتعرف عليها يا ناصح حتى لو عملت لها قرد..يعني هاتبقى قمت ووجعت رجلك عالفاضي.. ومش هتاخد ثواب كمان عشان نيتك غالبا مش كويسة! رابعا: البنت دي مش كبيرة في السن وشابة زيادة عن اللزوم زي مانت شايف.. تقوم ليه بقى؟؟ طيب لو هي اللي قاعدة وانت اللي داخل كانت هاتقوم لك؟؟


المفروض تقوم وتقعد البنت اللي واقفة في الحالات دي:


لو لقيتها بنت غلبانه أو بنت محترمة أو فتاه عاملة أو ست كبيرة، يبقى لازم تقوم لها طبعا مش عايزة كلام.. لكن لو بنت من اياهم، تبقى شاب لامؤاخذة،لو قعدتها مكانك!



الحل التاني: ولا تعبرهم!




سألت مرة بنت: " انتي بتلبسي ليه كده؟" اجابت: "عشان كده أشيك!" ألحّيت في السؤال تاني عشان اعرف الإجابة الحقيقية (رزالة بقى!) فقالت في النهاية بصراحة: - "عشان الناس تبص عليا وأحس إن أنا حلوة!"
شفت بقى يا معلم؟ يعني البنت من دول عامله اللي هي عاملاه ده عشان كل ما انت تهتم بيها، سيادتها هاتتكيف وتنبسط أكتر.. ومش هاتعبرك برضه يا عم

الدونجوان..! أقول لك حاجه؟ و لا تعبرها .. لو زميلتك عاملة كده يبقى احلقلها ميري يا معلم.. نفضلها وسيبها .. يعني لو بتكلمك وموبايلك رن, رد عليه وسيبها وامشي... لو واحدة ماشية في الشارع كده،لا تبصلها ولا تعبرها ... كإنها هوا معدّي.. كإنها لاشئ عابر! لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها ومعجبة بيها طول الوقت.. خلي كرامتك بقى تنقح عليك ونفضلها وش ..و لا تبصلها يا شقيق.. بيّن ان انت مش عبيط زي الناس التانية وان الحركات دي ماتخيلش عليك.. هاتلاقيها اشتعلت نارا واتفحمت.. أحسن .. تستاهل! و أي خدمة



-------------------------------------------------





_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rema7.ahlamontada.net
nOnO
.:. Moderators .:.
.:. Moderators .:.
avatar

انثى
عدد الرسائل : 1090
دولتي :
مزاجي :
MMS :
اوسمتي :
السٌّمعَة : 0
تاريخ التسجيل : 06/11/2008

مُساهمةموضوع: رد: مواصفاات البنت المصريهــ   الثلاثاء نوفمبر 11, 2008 7:10 pm


مرسي يمكن فعلا هي دي مواصفات البنت المصرية Twisted Evil بس يمكن مش كل البنات

_________________

BONE DANCE

Everybody knows the bones
Just had to find a way
Everybody knows what I'm talking 'bout
That's how I'll get an A
My body's many parts
And this is where it starts
Phalanges I have 10
And ****tarsals then
I got some Tarsals too
I'll put them in my shoe
The Fibula is next
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
elshoop
.:. speciaL cUte .:.
.:. speciaL cUte .:.
avatar

ذكر
عدد الرسائل : 1366
العمر : 29
الموقع : امام الكمبيوتر
العمل/الترفيه : النٌٌٌٌٌٌٌٌٌٌٍٍٍٍٍٍت....
المزاج : طول ما حبيبتى معايا ....مية مية
\"*نبذه عني*\" : مشفتش حااجة بتنسى سنين العمر قبل لقااك *** وشفت عنيك نست نفسى بقيت عاايش علشان اهوااك.........؟؟؟ بحبك ؟؟؟
دولتي :
مزاجي :
MMS :
اوسمتي :
السٌّمعَة : 0
تاريخ التسجيل : 31/10/2008

مُساهمةموضوع: مواصفاات البنت المصريهــ   الأربعاء نوفمبر 12, 2008 12:27 am

فعلا هما دول البنات المصريين .......... cheers بس مش كلة.......... cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cute-girle19.yoo7.com
~ LaDy ReMa7 ~
..:.. AdM!N ..:..
..:.. AdM!N ..:..
avatar

انثى
عدد الرسائل : 1361
العمر : 26
الموقع : EGYPT
العمل/الترفيه : النـــــــــــــــتــ ..!!..
المزاج : >>>؟؟؟؟<<< تماااااااااااااام <<<<؟؟؟>>>>
\"*نبذه عني*\" : قسما بالذي انزل الثلج من فوق الهضاب سأبقى أحبك يا تامر حتي لبس الابيض تحت التراب
دولتي :
مزاجي :
MMS :
اوسمتي :
  :
السٌّمعَة : 0
تاريخ التسجيل : 27/06/2008

مُساهمةموضوع: رد: مواصفاات البنت المصريهــ   الأربعاء نوفمبر 12, 2008 12:17 pm

مررررسي يا (( نونو )) على مرورك ومرررسي يا (( شوب )) على مرورك نورتواا ..!!...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rema7.ahlamontada.net
>>عيون تامر<<
.:. speciaL cUte .:.
.:. speciaL cUte .:.
avatar

ذكر
عدد الرسائل : 1181
العمر : 25
دولتي :
مزاجي :
MMS :
اوسمتي :
  :
السٌّمعَة : 0
تاريخ التسجيل : 04/12/2008

مُساهمةموضوع: رد: مواصفاات البنت المصريهــ   السبت ديسمبر 13, 2008 8:55 pm

على فكرة يا ريما بنات مصر مش شياكة خالص دى معلمومة لحضرتك لو عوزة تشوفى الشياكة بجد اسئلى عن بنات المنصورة مش مصر
لان بنات مصر مع احترامى للناس المحترمة يعنى معظمهم لسانهم قد كدة طوووووووووووووووويللللللللللل اوى
شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
~ LaDy ReMa7 ~
..:.. AdM!N ..:..
..:.. AdM!N ..:..
avatar

انثى
عدد الرسائل : 1361
العمر : 26
الموقع : EGYPT
العمل/الترفيه : النـــــــــــــــتــ ..!!..
المزاج : >>>؟؟؟؟<<< تماااااااااااااام <<<<؟؟؟>>>>
\"*نبذه عني*\" : قسما بالذي انزل الثلج من فوق الهضاب سأبقى أحبك يا تامر حتي لبس الابيض تحت التراب
دولتي :
مزاجي :
MMS :
اوسمتي :
  :
السٌّمعَة : 0
تاريخ التسجيل : 27/06/2008

مُساهمةموضوع: رد: مواصفاات البنت المصريهــ   الأربعاء ديسمبر 17, 2008 2:09 pm

امم
مممممممممممممم

يمكن

دهـ رايكـ بقى

على العمووم ثاانكس لمرورك

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://rema7.ahlamontada.net
>>عيون تامر<<
.:. speciaL cUte .:.
.:. speciaL cUte .:.
avatar

ذكر
عدد الرسائل : 1181
العمر : 25
دولتي :
مزاجي :
MMS :
اوسمتي :
  :
السٌّمعَة : 0
تاريخ التسجيل : 04/12/2008

مُساهمةموضوع: رد: مواصفاات البنت المصريهــ   الخميس ديسمبر 18, 2008 2:23 pm

اة يا ريما اسئلينى انا وهتعرفى ان كلامى صح
دنا مش قليل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
elshoop
.:. speciaL cUte .:.
.:. speciaL cUte .:.
avatar

ذكر
عدد الرسائل : 1366
العمر : 29
الموقع : امام الكمبيوتر
العمل/الترفيه : النٌٌٌٌٌٌٌٌٌٌٍٍٍٍٍٍت....
المزاج : طول ما حبيبتى معايا ....مية مية
\"*نبذه عني*\" : مشفتش حااجة بتنسى سنين العمر قبل لقااك *** وشفت عنيك نست نفسى بقيت عاايش علشان اهوااك.........؟؟؟ بحبك ؟؟؟
دولتي :
مزاجي :
MMS :
اوسمتي :
السٌّمعَة : 0
تاريخ التسجيل : 31/10/2008

مُساهمةموضوع: رد: مواصفاات البنت المصريهــ   الخميس ديسمبر 18, 2008 5:37 pm

ههههههههههههههههه
ايون يا ريما اسئلي عيون تامر
هو اللى عارف
Very Happy Very Happy Very Happy Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://cute-girle19.yoo7.com
 
مواصفاات البنت المصريهــ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
weLCOME tO FROM CuTe G!RLS & BOYS :: ركـــن بـــيـــتـ حـــواء :: *~أســـرآأإآر بـــنــcuteــوتآأإآات~*-
انتقل الى: