ازاي تعرف انك في فرح مصري ادخل وشوف ..!!!..

ازاى تعرف أنك في فرح مصري .. خش شوف

* عندما ترى الزفة الدمياطي الأزلية " وبسم الله الرحمن الرحيم و هنبدأ الليلة "

*عندما "يبخر" العريس والعروسة بعضهم .

*عندما تجد النساء "ينمون" على العروسة قائلين عبارات مثل "أنا عارفة ياختي أخدها على أيه " او " فستانها بيئة قوي ".

*عندما تكون أغنية هشام عباس "أسماء الله الحسنى " هي أول شئ تسمعه عند الدخول للقاعة .

* عندما " يزوم " المصور على الشبكة و كأنها قلادة التايتانك الماسية ..و تجد المدعوين " هيموتواو يتفرجوا عليها

*عندما يرقص العروسان رقصتهما الأولى _الرومانسية_ وكل البشر بيصوروهم بكاميرا الموبيل قائلين " يا ترى بيقولها أيه ؟"

*عندما تسمع أغنية "هتجوز " لسعد الصغير .

*عندما تأتي أم العريس كل نصف ساعة و تمسح عرقه قائله " يابني مش كدة , متهدش نفسك ".

*عنما تسمع السؤال السرمدي "هو البوفيه هيبدأ إمتى … الواحد جاع " .

*عندما يعرض الفيلم التسجيلي البوفيه وما يحتويه من لحوم و فراخ وأور و ديوك رومي.

*عندما تسمع" بس الأكل مكنش قد كده" بعد تناول الطعام مباشرة . وعلى رأي المثل " بعد ما أكل و إتكى قال رحته مستكة ".

* عندما تقول أم العروسة للعريس " خلى بالك منها " فيجيب "دي في عنيا يا طنط ".

*عندما تنطلق الزفة مسببة الإزعاج لخلق الله و بييب بييب بييب بييب بييب .
........................

m n 2 o o l

هو تقريبا هو ده اللي بيحصل
موضوع جامد
jocolor

بعد اذنك يا ريما هذود حاجة كمان
لما تلاقى الشباب كلهم بيرئسوا على اغانى تافهة
ولام تلاقى بنات تافهة ورجالة تافهة
شكرااااااااااااااااااا

شكلك يا عيون تامر بتكره الافراح المصرية جدا

ههههههههههههههههههههههه
لاو الله بالعكس دنا بحضرها كتير بس انا بقول يعنى من ضمن الى بيتقال يا قمر